About Me


WELINGE SIMBAH KASUNYATAN


Kaserat : Murib Ilham

(Alumni Ponpes YTP, Kertosono)

Harianindonesiapost.com
Mengko yen ketemu tahun kembar
Bakal ngalami jaman mudar
Langgar bubar
Masjid murat maret
Ka'bah ora ka ambah
Begajul podho ucul
Tukang apus podho ngapusi
Manungso sedo tanpo diupokoro
Satria jawa ojo ngresulo
Tetep eling lan waspodo
Madep mantep marang Gusti Kang Moho Kuwoso

Saiki tahun kembar 20 20 wus tekan
Welinge simbah dadi kasunyatan
Jaman dadi ora karuan
Langgar tutup ora ono ngaji Alqur'an
Masjid tutup ora dienggo jum'atan
Ka'bah tutup ora ono kang suwan
Wulan  poso sepi ora ono darusan

Cilakane maneh narapidana dicul soko pakunjaran
Kahanan ruwet soyo ruwet tenan
Akeh bakul ora iso dodolan
Akeh wong nganggur di PHK soko perusahaan
Wetenge ngeleh paceklik pangan
Rudo pekso ngapek barange liyan

Kang nyedihake, manungso sido tanpo diupokoro
Ora disuceni, ora dikafani, ora disholati,
mung dibungkus plastik soho kloso
Dilebokke peti mati tanpo pendoso
Ora ono kang nderekke nyang kubur soko keluargo opo konco
Kabeh podho wedi katular virus kang agawe sengsoro

Kahanan kang koyo mengkono
Poro satria ra sah ngresulo
Tukang ngapusi jok dipercoyo
Kang mbolak mbalik kasunyatan, olo katon becik, becik katon olo
Setiti ati ati lan waspodo
Madep mantep marang Gusti kang Moho Kuwoso
Nyuwun pitedah lan ibadah supoyo ing dunyo soho alam baqa biso urep mulyo.(Sudono Syueb/ed)


Probolinggo, 02 Ramadhon 1441

Post a Comment

0 Comments