About Me


KEBACUT SALAH KAPRAH


Oleh      : Ihsanuddin

(Alumni Ponpes YTP, Kertosono)

Harianindonesiapost.com
Ora perlu podo mbantah
Kabeh kebacut salah kaprah
Ojo banget-banget mikir
Salah mikir dadi kentir
Nurut ature wong tuwo
Ing mongso mlebu ulan poso 
Setan-setan podo di kunjoro
Digembok Lawang neroko lan
dibukak Lawang suwargo
Ning Saiki dadi kuwalik
Malah manungsane dikongkon ndelik
Wis kebacut salah kaprah
Mulo ora perlu mbantah
Biyen ono sedulur adoh teko
Di papak Kanti lego lan gumbiro
Saiki ono sedulur adoh teko
Malah dianggep nggowo ciloko

Opo bener  kabeh mau jalaran ngamuk e Corona...?
Kamongko Corona iku makhluk kang ringkih
Makhluk cilik ora duwe getih
Mergo Corona akeh wong podo kelimpungan
Nanging ora setitik kang malah ngapek keuntungan
Manowo Corona Iki diterus-terusake
Mongko biso-biso 
Akeh wong lali alamat omahe
Biso-biso lali karo bopo biyunge
Biso-biso lali sanak lan keluargane
Biso-biso lali panggonan masjide
Luwih ciloko maneh manowo lali marang Allah kang nyiptaake ....

Wis kebacut salah kaprah
Mulo ora perlu mbantah
Ndunyane soyo tuwo 
Becik sabar lan waspodo
Njogo ati lan tindak e
Ora nuruti  krentek nafsune
Ojo nganti koyo parikan iki
Rioyo ora nggoreng kopi
Ngedep mejo ora ono jajane
Lagi kroso jaman saiki
Ora biso blonjo kanggo kluargane


Duh Allah
Enggalo pinaring terang
Supados pikiran puniko padang
Lan saget nglampahi Poso Kanti tenang.....
Ngantos riadin mbenjang ....

Post a Comment

0 Comments