Socialize

WAYAH PAREK ESUK


Oleh Murib Ilham

(Alumni Ponpes YTP dan UINSA, Surabaya)

Editor: Sudono Syueb

Harianindonesiapost.com Naliko pitik jago podho keluruk
Lintang panjer rino wus sumunar
Madhangi langit sisih wetan kang isih ngantuk
Kuwi pratondho wayah parek esuk

Wayah ngono kuwi enak e wong turu
Hawane anyep gembrigil koyo banyu salju
Opo maneh mongso rendeng udan remes-remes wengi tekan rino
Ndadek-ke kemul selimut podo dirapetno

Elingo kuwi ngono wayah mustajabah
Kang becik enggal nggelar sajadah
Madep sujud, ndedungo marang gusti kang paring rahmah
Mugi kaparingan gesang dunyo akhirat ingkang bungah

Ing wayah parek esuk Guti Allah mudhun ing langit dunyo
Nyedhaki poro manungso
Mbuka lawang thobat ombo dowo
Bakal paring pengapuro sekabihaning duso
Marang wong kang gelem thobat lan nyuwun pengapuro

Ugo Malaikat sak kloron saben esuk mudun ing bumi
Salah suwijine dedungo mugo wong kang loman sedekah entuk ganti
Suwijine kang liyo ugo dedungo muga bangkrut wong kang bahil medit ra entuk bathi

Mulo dadiyo wong kang becik ati
Poro Malaikat bakal migati
Sopo wong kang becik bakal kethitik
Sopo wong kang olo bakal kethoro lan ciloko

Probolinggo, 14 Agustus 2019
Bakda shubuh

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel