LINGSIR WENGI JEMUAH LEGI


Dening  Murib Ilham

Harianindonesiapost.com Lingser wengi
Malem jemuah legi
Peteng dedet cahyaning lintang ora nganti bumi
Kabeh wong podo turu kagowo ngimpi

Angine nggebes adhem nganti nembus balung sunsum lewat pori-pori
Ing kadhohan swaro lolongan serigala prathondo ano memedi
Ugo swarone manuk dares  prathondo bakal ono wong mati
Kahanan sepi mamring soyo ngegirisi

Opo koyo ngono pethenge alam kubur
Sepi mampring gak ono dulur
Kawedhen gak duwe batur
Piyambak-an nunggu pitakon kubur

Petenge alam dunyo  isih ono cahyo
Sepine alam dunyo isih ono tonggo
Wedhi ing alam dunyo isih ono konco
Piyambak-an ing alam dunyo isih ono bolo

Mulo welinge alam kubur becik lakonono,,,

Ingsun papan kang peteng dedet padhangi kanthi slolat wengi ingkang tenan
Ingsun papan kang sumpek longgarake kanthi nyeketake paseduluran
Ingsun papan kang sepi mampring, rameake kanthi maus Al qur'an
Ingsun papan kang medheni dolek-o konco kanthi amal kesaenan
Ingsun papan kewan kang nggilani mulo diracuni kanthi sedekah kang pilihan
Ingsun papan pitakon kubur biasake maus laailaahaillallah kagem nyiapake wangsulan

Kaweruhono alam kubur ngono kang nemtokake
Yen selamet ing alam kubure
Bakal selamet ing alam ahirate
Mulo monggo disiapake


Probolinggo, 23 Agustus 2019
Tengah wengi

Post a Comment

0 Comments