About Me


U P O


Dening: Murib Ilham

(Weton Soko Pondok YETEPE, Kertosono lan UINSA, Suroboyo)

Harianindonesiapost.com Endi ono upo
Menuso podo moro
Ing ndarat opo ugo ing segoro
Karonto-ronto olehe ndolek upo

Ono kang nyelem banyu segoro yo ndolek upo
Ono kang nduduk lemah yo ndolek upo
Menyang sawah ndulek upo
Menyang kantor ndulek upo

Delengen lku montor ugo sepeda montor ngebeki ratan kabeh ndolek upo
Wong pasar isuk umun-umun ndasar dagangane supoyo oleh upo
Nelayan nyambut gawe rekoso direwangi kemul angin bantal ombak pungkasane? upo

Warno-warno budidoyo ndolek upo, ono kang nganti monco Negoro, nyebrang segoro, urep soro adoh keluargo
Ono maneh kang nganti njabaning pulo kerjo rekoso wengi kanti rino jebule yo mung ndulek upo
Lha kang aneh nang omah lungguh tengor-tengor ngenteni tekane upo

Upo kudu diupokoro nanging ra sah ngoyo-ngoyo
Opo maneh royok an karo konco utowo tonggo
Wis ono bagiane dewe-dewe ra bakal kaijol opo keliru kang nompo

Nerimo ing pandum budi kang utomo
Muji syukur marang kang Moho Kuoso
Kabeh pepariNge seger waras jiwo rogo ugo upo
Becek marang sak podo-podo
Supoyo jembar margi mlebu suwargo


*Upo paribasan maksud e rizqi karunia harta kekyaan

Post a Comment

0 Comments