About Me


MENUSO URIPE NGERSULO

Deneng  Murib Ilham

(Alumni Ponpes YTP, Kertosono dan UINSA, Surabaya)

Harianindonesiapost.com Menuso urepe mung ngersulo
Nang Ndeso tentrem adem ayem kepingin nang Kuto
Jarene kesenengan samubarang ono
Bareng keturutan urep nang Kuto kepingin bali nang Ndeso
Nang kuto opo-opo tuku,  banyu tuku, jangan kelor tuku ra koyo nang Ndeso

Kahanan panas sambat
Sumuk panas ora kuat
Diparingi udan  sambat
Kabeh ratan banjir ora iso lewat

Naliko nganggur nelongso
Konco-konco podo kerjo
Bareng wes kerjo ngersulo
Awak sayah kepingin leren kerjo

Meneng nang omah sumpek dolek padang howo
Mari ngono kepingin moleh  karonto-ronto
Rikolo tenang kepingin ndolek keramean
Rikolo reme kepingin ndolek ketenangan

Isih jomlo ngeluh ora ono jodo
Wus keluargo ngeluh durung  duwe putro
Keturutan duwe putro ngeluh amergo kebutuhan sekolah larang ra nduwe bondo

Tibae samubarang iku katon edi peni
Yen durung andarbeni
Kito ra bakal urep mukti yen ngenteni kang durung mesti
Kang wus ono ora dinikmati

Dadiyo piantun kang nedonerimo marang rahmat lan nikmat kang Kuwoso
Syukurono kang wus ono
Supoyo urep mulio
Amergo urep ngono mung silihan
Dunyo brono emas picis mung titipan
Kabeh mau kudu dipertanggung jawabkan
Besuk nang ngersaning Pengeran
Alloh Subhanahu wa Ta'ala

Probolinggo, 26 juni 2019
Bakda shubuh

Post a Comment

0 Comments