About Me


JAGAT GONJANG-GANJING



By     : Ihsanuddin.

(Alumni Ponpes YTP, Kertosono dan Penulis Buku Jamus Kalimosodo)


Harianindonesiapost.com 
Jagat..........
Jagatku
Yo jagatmu
Jagate sopo wae
Sejatine mung siji
Siji ora ono lorone
Senajan denpisah samudro
Bedo kulit bedo bongso
Bedo anggit bedo roso
Neng sejatine yo podo manungso
Nurut crito jaman semono
Yen Manungso mung sadermo
Ngelampahi lan ngupoyo
Budidoyo kang utomo.

Lakonono Urip Iki
Kanti eling lan waspodo
Ojo mung pijer anuruti 
Ongso-ongso nguber dunyo.
Drajat pangkat sejatine,
Mung titipan saking Gusti
Kang gede tanggung jawabe
Ing Urip sakwuse mati.

Nyambuto gawe kang becik
Kanggo nyukupi uripmu
Nadyan mung antuk setitik
Neng tentrem ayem atimu.

Bedo jaman bedo mongso
Ora koyo jaman Saiki
Ora bedo enom lan tuwo
Anane mung caci maki.

Lali dulur lali konco
Toto kromo den lakekno
Roso iri roso benci
Mung jalaran rebut kursi.

Jagate wus gonjang-ganjing
Wong cilik bingung atine
Panguwoso do ra eling
Kuwatir ilang kursine.

Olo becik wis ora bedo
Halal haram campur baur
Wis ora wedi geni neroko
Opo maneh mung sikso kubur.

Ojo mung wong bodo
Wong pinter akeh podo lali
Wong bodo netepi bodo
Kang pinter malah ngapusi.

Kapan jagat biso tentrem
Yen Kabeh ninggal agomo
Opo ngenteni dikerem
Supoyo Kabeh ngrasakno.

Duh Allah Robbul Izzati
Mugi tansah paring keslametan
Dumateng manungso kang ngabdi
Sanes engkang namung nguber jabatan .(sudono/Ed)

Post a Comment

0 Comments